- Forum de la famille d'Ambre et de leurs vassaux - Forum RP lié au jeu Online Les Royaumes Renaissants |
| | [Littérature] Poésie | |
| | Auteur | Message |
---|
DuGuesclin
Nombre de messages : 62 Ville : Entre Poitou et Angoumois Date d'inscription : 08/03/2006
| Sujet: [Littérature] Poésie Mer 13 Sep - 21:00 | |
| ADAM DE LA HALLE Onkes nus hom ne fu pris
Onkes nus hom ne fu pris D'amours qui n'en vausist mieus Et qui n'en fust plus jolis Et mieus venus en tous lius, Car bone amours li fait plaire; Si est bien drois qu'il i paire, Car toute hounours de li vient; Faus est ki ne le maintient.
Et puis kejou m'i sui mis, Grant bonté m'en a fait Dieus: De la millour sui espris Ki ains fust veüe d'ius. Ne m'i sont mie contraire Mi penser quant Sofl viaire Remir, car teus maus me tient Ki en goie me sostient.
Car si vair oel de dous ris Et ses gens cors signouriux Et ses dous cuers bien apris, Ki de nature est gentius, Dounent cuer et essamplaire De toute honour dire et faire; N'il n'aime point ki ne crient Et ki de mal ne s'astient.
Dame, se de paradis Et de vous estoie a kieus, Pres me seroit vos dous vis, Ki a tort m'est ore eskieus; G'i aroie mon repaire, Se c'estoit sans vous desplaire, Neja ne m'amissiés nient, Tant bien estre vous avient.
Car a vous et a vos dis Seroie si ententieus Ke hi mal dontjou languis Seroient plus douc ke mieus. Las! et or ne sai u traire, Ne jou ne m'en puis retraire, Car mes cors si las devient Que percevoir s'en couvient.
| |
| | | DuGuesclin
Nombre de messages : 62 Ville : Entre Poitou et Angoumois Date d'inscription : 08/03/2006
| Sujet: Re: [Littérature] Poésie Mer 13 Sep - 21:01 | |
| ADAM DE LA HALLE Li congiés Adan
Comment que men tans aie usé, Et toudis loé le meilleur ; Et tant le m'a dit et rusé Que j'ai tout soulas refusé Pour tendre a venir a honnour. Mais le tans que j'ai perdu plour, Las! dont j'ai despendu le fleur Au siecle qui m'a amusé. Mais ch'a fait forche de signeur, Dont chascuns amans de l'erreur Me doit tenir pour escusé.
Arras, Arras! vile de plait Et de haïne et de detrait, Qui soliés estre si nobile, On va disant c'on vous refait! Mais se Diex le bien n'i ratrait, Je ne voi qui vous reconcile. On i aime trop crois et pile, Chascuns fu Berte en ceste vile Au point c'on estoit a le mait. Adieu de fois plus de .c. mile! Ailleurs vois oïr l'Evangile, Car chi fors mentir on ne fait.
Encor soit Arras fourmenés, A cui je voeil prendre congiet, Qui mains grans reviaus ont menés Et souvent biaus mengiers donnés, Dont li usages bien dechiet; Car on i a si pres faukiet C'on leur a tout caupé le piet Seur coi leur deduis ert fondés. Chil ont fait grant mortel pechiet, Qui tant ont a rive sakiet Que tes viviers est esseués.
Puis que che vient au congié prendre, Je doi premierement descendre A cheus que plus a envis lais. Aler voeil mon tans miex despendre, Nature n'est mais en moi tendre Pour faire cans ne sons ne lais. Li an acourchent mes eslais ; De che feroie bien relais Que je soloie plus chier vendre. Trop ai esté entre les lais, Dont mes damages i est lais: Miex vient avoir apris c'aprendre.
Adieu, Amours! tres douche vie, Li plus joieuse et li plus lie Qui puist estre fors paradis! Vous m'avés bien fait en partie. Se vous m'ostastes de clergie, Je l'ai par vous ore repris ; Car j'ai en vous le voloir pris Que je racate los et pris Que par vous perdu je n'ai mie, Ains ai en vo serviche apris, Car j'estoie nus et despris Avant, de toute courtesie.
Bele, tres douche amie chiere ! Je ne puis faire bele chiere, Car plus dolans de vous me part Que de rien que je laisse arriere. De mon cuer serés tresoriere Et li cors ira d'autre part Aprendre et querre engien et art De miex, valoir ; s'i arés part: Que miex vaurrai, mieudres vus iere. Pour miex fructefiier plus tart, De si au tierc an ou au quart Laist on bien se terre a gaskiere.
Congié demant de cuer dolant Au milleur et au plus vaillant D'Arras et tout le plus loial, Symon Esturion, avant, Sage, debonnaire et souffrant, Large en ostel, preu au cheval, Compaignon liet et liberal, Sans mesdit sans fiel et sans mal, Biau parlier, honneste et riant ; Et si aime d'amour coral : Je ne sai homme chi aval Que femes doivent amer tant.
Bien doi avoir en ramenbranche .II. freres en cui j'ai fianche, Signeur Baude et signeur Robert Le Nommant ; car il m'ont d'enfanche Nourri et fait mainte honnestanche ; Et se li cors ne le dessert, Li cuers a tel cose s'aert Que, se Dieu plaist, meri leur iert Se Diex adreche m'esperanche. Leur huis m'ont esté bien ouvert : Cuers qui tel compaignie pert Doit bien plourer le dessevranche.
Bien est drois, puis que je m'en vois, Que congié prengne as Pouchinois : Nommeement a l'aisné frere, C'est signeur Iakemon, ançois, Qui ne sanle mie bourgois A se tavle, mais emperere : Je l'ai trouvé au besoing pere, Car il mut parole et materre C'on m'aidast au partir d'Artois. Or pren cuer en le gent avere! J'ai esté vers, au primes pere : Dou fruit n'aront fors li courtois.
Sires Pierres Pouchins, biaus sire! Je ne doi mie estre sans ire Quant de vous partir me couvient, Tant m'avés fait! Diex le vous mire, C'au departir mes cuers souspire Toutes les fois qu'il m'en souvient. La Vile est bien alee a nient, De coi Cités bonne devient Par vo venue, bien l'os dire, Plus que pour home qui s'i tient. Pour avoir chascun qui la vient, Faites vo serjant estre au Pire.
Puis c'aler doi hors de men lieu, Hauiel, Robert Nasart, adieu! Gilles Li Peres, Jehans Joie, Au jouster n'estes mie eskieu : De bos avés fait maint alieu Et maint biau drap d'or et de soie Mis en feste. Las! or est coie Le bonne vile ou je veoie Chascun d'onneur faire taskieu. Encor me sanle il que je voie Que li airs arde et reflamboie De vos festes et de vo gieu.
Bien doi parler entre les boins De Colart Nasart qui est joins, Bons et nes, courtois et gentiex. Seur tous jones grasce li doins, Encor ne li soit il besoins, Car s'il estoit aplus des chiex, Si sanle il estre d'un roy fiex Et vient si bien qu'il ne puet miex. Pour estre de valeur au loins, Emploiier son tans li doinst Diex Si bien qu'il en soit prisiés viex : Du jour est li vespre tesmoins.
A tous ceus d'Arras en le fin Pren congié pour che que mains fin Ne me cuident de cuer vers eux. Mais il i a maint faus devin Qui ont parlé de men couvin, Dont je ferai chascun hontex ; Car je ne serai mie tex Qu'il m'ont jugié a leur osteux Quant il parloient aprés vin, Ains cueillerai cuer despiteus Et serai fors et vertueus Et drois, quant il gerront souvin!
| |
| | | DuGuesclin
Nombre de messages : 62 Ville : Entre Poitou et Angoumois Date d'inscription : 08/03/2006
| Sujet: Re: [Littérature] Poésie Mer 13 Sep - 21:02 | |
| BLONDEL DE NESLE En tous tens que vante bise
En tous tens que vante bise, Pour cele dont sui soupris, Qui n'est pas de moi souprise, devient mes cuers noirs et bis. De fine amour l'ai requise, Qui cuer et cors m'a espris, Et, s'ele n'en est esprise, Pour mon grant mal la requis.
Mais la douleur me devise Qu'a la meilleur me suis pris Qui ainc fust en cest mont prise, Se j'estoie a son devis. Tort a mon cuer qui s'en prise, Quar ne sui pas si eslis. S'ele eslit, qu'ele m'eslise ! Trop seroie de haut pris.
Et nequedent destinee Doune a la gent maint pensé : Tost i metra sa pensee S'amours li a destiné. Je vi ja tel dame amee D'ome de bas parenté Qui mieuz ert emparentee, Et si l'avoit bien amé.
Pour c'est drois, s'Amours m'agree, Que mon cuer li ai douné. Se l'amour ne m'a douné, Tant la servirai a gré, S'il plaist a la desirree, Que un baisier a celé Avrai de li a celee, Que tant ai desirré.
| |
| | | DuGuesclin
Nombre de messages : 62 Ville : Entre Poitou et Angoumois Date d'inscription : 08/03/2006
| Sujet: Re: [Littérature] Poésie Mer 13 Sep - 21:03 | |
| DUC DE BRABANT Jeu Parti entre Guillebert de Berneville et le Duc de Brabant
Biaux Guillebert, dites, s'il vous agree, Respondez moi a ce que vous demant : Un chevalier a une dame amee Et si vous di qu'il en est si avant Que nuit et jour fait de li son commant, Tant a Amours la dame abandonnee ; Dites s'amours vont pour ce defaillant.
Dux de Brebant, ja orrez ma pensee : Ja li amour n'ira pour ce faillant, Ains en seroit en loial cuer doublee, S'on li faisoit bonté et bel samblant ; Se la dame est donnee a son amant, Ja ne sera de lui fors mieus amee, S'en son cuer a point de bonté manant
He! Guillebert, ou avez vous trouvee Ceste raison? Trop vous voi nonsachant. On tient plus chier la chose desiree Que ce c'on a abandonneemant. Or ne m'alez pas de ce reprenant : Tant est Amours servie et honnoree Que la dame se garde sagement.
Dux, j'ai moult bien vo raison escoutee, Mes vous failliez trop merveilleusement. Quant mieus me fait Amours et mieus m'agree, Et mieus la serf et plus m'en truis en grant. Assez moustrez le vostre couvenant : Tost avrïez vostre amie oublïee ; Je li lo bien qu'ele vous maint tendant.
He! Guillebert, or est fole prouvee, S'en vo merci ne se met maintenant ! Quant on fait tant que sa dame est gabee, Dites vous dont c'on aime plus formant? N'est mie amours ou l'en va mal querant, Dont sa dame porroit estre blasmee. Nulz ne le fet qui aime loiaument.
En non Dieu, Dux, ce est chose passee : Ja ne crerrai qu'il soit si faitement Que pour bonté soit dame refusee, Ains la doit on amer mieus que devant. Or nous metons en loial jugement, S'iert la ten}cons de nous deus afinee, Que li estris dure trop longuement.
Guillebert, soit! J'en preng a mon garant Le bon Raoul de Soissons, qui sevree Ne fist d'Amours nul djor de son vivant.
Dux, et je preng le bon conte vaillant, Celui d'Anjou; la chose est bien alee, Quar cil dui sont de bon entendemant.
| |
| | | DuGuesclin
Nombre de messages : 62 Ville : Entre Poitou et Angoumois Date d'inscription : 08/03/2006
| Sujet: Re: [Littérature] Poésie Mer 13 Sep - 21:04 | |
| GUILLAUME DE VINIER
S'oncques chanters m'eust aidié, Trop me sui de chanter teus ; Nonpourquant tant m'a avancié Qu'en loiauté m'est loz creuz. Par cel loer sui deceus Si com cil c'on be aujoer, Cui tant plaist ce qu'il s'ot loer Ne set mot s'a ses dras perdus ; Einsinc sui de sens deceus.
S'Amours ot ainc en soi pitié, Puis que sui pour loial tenus, Trouver doi boial amistié, Car honc tans m'i sui atendus. Avoir la doi, se ainc l'ot nus ! Mais oncques, ce me fait douter, Cordoaniers n'ot bon sohler, N'ainc drapiers ne fut bien vestus, N'ainc n'ot amie loiauz drus.
De tant m'a Amours alegié, Quant g'i vois, que bien sui venuz. Maiz s'i truis noient d'amistié, Lors que m'en part, m'est retoluz. Si sui li povres durfeus C'on fait l'or fouir et quester ; Sel guaite on si pres qu'enporter N'en puet rienz, tant l'ait bien repus ; Si s'en depart povres et nus.
Et quant si me sent atirié, Ne me feroit bon traire ensus Ainz que plus m'ait adamagié ? Or ai je dit que recreus, Si fais com l'enfes desseus. Quant s'est ars par trop pres chaufer, En l'iaue court son doit bouter Pour alegier ; lors se cuist pluz : Char que fous blece sane fus.
| |
| | | DuGuesclin
Nombre de messages : 62 Ville : Entre Poitou et Angoumois Date d'inscription : 08/03/2006
| Sujet: Re: [Littérature] Poésie Mer 13 Sep - 21:04 | |
| JEAN FROISSART
Mon cœur s'ébat
Mon cœur s'ébat en odorant la rose Et s'éjouit en regardant ma dame :
Trop mieux me vaut l'une que l'autre chose. Mon cœur s'ébat en odorant la rose.
L'odeur m'est bon, mais du regard je n'ose Jouer trop fort, je vous le jur' par m'âme. Mon cœur s'ébat en odorant la rose Et s'éjouit en regardant ma dame.
Joyeuse mélancolie
On doit aimer et priser Joyeuse mélancolie Qui tient la pensée lie Et le temps fait oublier Sans souci et sans envie : On doit aimer et priser Joyeuse mélancolie.
Et moult souvent souhaiter Qu'on soit avec son amie Pour maintenir gaie vie On doit aimer et priser Joyeuse mélancolie.
| |
| | | Contenu sponsorisé
| Sujet: Re: [Littérature] Poésie | |
| |
| | | | [Littérature] Poésie | |
|
| Permission de ce forum: | Vous ne pouvez pas répondre aux sujets dans ce forum
| |
| |
| |
|